بديت فت شيت ميلز لأني أحب الأكل وأبي أعيش حياة صحية بدون ما أحرم نفسي من الطعم.
يوم دخلت عالم الرياضة اكتشفت إن ثقافة الدايت تقولك إن الأكل اللذيذ سيئ لك، وإن الطريق الوحيد لخسارة الوزن أو لأسلوب حياة صحي هو الحرمان. حاولت أعيش بهالأسلوب، لكن حسّيت إني قاعد أتنازل عن شيء مهم بالنسبة لي.
رجعت للمطبخ وبدأت أجرّب وأعدّل، ولقيت إن السر مو في الحرمان. السر في طريقة الطبخ والوصفة وتعديلات بسيطة تعطي نفس الطعم وبفايدة أكبر.
بعد محاولات وتجارب كثيرة اكتشفت إنك تقدر تاكل أكل لذيذ وتعيش حياة صحية وتخسر وزن بدون ما تحرم نفسك، وبنفس الأسلوب هذا قدرت أخسر 17 كيلو بدون ما يرجع الوزن اللي خسرته.
ومن هنا بدأت فت شيت ميلز بهدف واحد: نثبت لك إن الصحة والطعم يقدرون يمشون مع بعض، ونساعدك توصل لهدفك بوصفات لذيذة وسهلة بدون حرمان ولا تعقيد.
وكل اللي تعلمناه عبر السنين جمعناه لك في كتاب الوصفات، عشان تقدر تستمتع بالأكل بدون ما تضحي بنتائجك.