لما نتكلم عن الأكل الصحي أو خسارة الوزن، السر الحقيقي
بالنجاح مو في إنك تكون صارم. بل في إنك تقدر تستمر. اغلبنا
يقدر يلتزم فترة قصيرة، لكن القليل يقدر يخليها أسلوب حياة.
ويستمر عليه.
والسبب بسيط: عشان تقدر تستمر، لازم تكون مستمتع بالاكل الي
تاكله. المتعة = الالتزام.
كثير ناس لما يحاولون يبدؤون ياكلون بطريقة صحية أو يسوون
دايت، يشوفون الموضوع كأنه تحدي مؤقت، مو أسلوب حياة. ليش؟
لأن أول شي يسوونه هو إنهم يوقفون كل الأكل اللي يحبونه،
ويكتفون بوجبات مكررة، مملة، وكميات صغيرة.ويحاولون يقنعون
نفسهم إن التعب مؤقت، وإنهم “بس يحتاجون يصبرون كم أسبوع”.
لكن لما تنتهي الفترة، يرجعون للأكل القديم، لنفس العادات، لنفس
الأكلات اللي اشتاقوا لها، ويكتشفون إنهم رجعوا لنقطة البداية. مو
لأنهم فشلوا، لكن لأن الطريقة نفسها كانت غلط من البداية.
وهنا يجي دور فت شيت ميلز. انشأت عشان تحل هالمشكلة
بالضبط. كيف نقدر نعيش أسلوب حياة صحي وناكل أكل فعلاً
نحبه في نفس الوقت.
فلسفتنا بسيطة: ما تحتاج تختار بين الطعم الصحة. تقدر تاكل
أكلات لذيذة، عالية بالبروتين، وتخلي جسمك وشعورك أفضل من
غير ما تحس إنك “على دايت”.
الموضوع مو عن الحرمان، بل عن الذكاء في الاختيار. عن كيف تعيد
صياغة الأكل اللي تحبه بطريقة تخدم أهدافك، وتخليك تستمتع بكل
لقمة بدون ذنب.
لما يكون الأكل لذيذ فعلاً، ما راح تشتاق أبدًا ترجع لعاداتك.
الهدف مو إنك توقف الأكلات اللي تحبها، الهدف إنك
تعرف كيف تاكل بطريقة أذكى. وهذا بالضبط اللي بتلقاه
كتاب الوصفات.
(اضغط هنا للذهاب إلي كتاب الوصفات)